Համայնքի՝ բարեկարգման կարիք ունեցող փողոցները, ինչպես ամեն տարի, այս տարի նույնպես, բարեկարգվում և խճապատվում են: Աշխատանքներն իրականացվել են Պուշկինի, Կասյան, Րաֆֆու, Ղուկասյան, Շահումյան, Հոկտեմբերի,  7-րդ, 8-րդ, 9-րդ, 10-րդ, 23-րդ և այլ փողոցներում:

Համայնքում իրականացվում են արտաքին լուսավորության ցանցի անցկացման աշխատանքներ: Համայնքը մշտապես աշխատանքներ է տանում, որպեսզի բնակիչների կյանքը դառնա էլ ավելի բարեկեցիկ և հարմարավետ:

   Համայնքի նոր գերեզմանատանն իրականացվեցին տարիներ շարունակ անմխիթար վիճակում գտնվող ուղիների հարթեցման և խճապատման աշխատանքներ:

Անկախության տոնը, այս տարի նույնպես, Մխչյան համայնքում նշվեց մեծ շուքով: Նկարչության խմբակի երեխաները ցուցադրեցին իրենց ստեղծագործությունները, հանդես եկավ պարի խմբակը: Բնակիչների համար անակընկալ էր լարախաղացի ներկայացումը: 

Այս տարի ևս Մխչյան համայնքը հյուրընկալեց ՙՙԱրի տուն՚՚ ծրագրով հայրենիք եկած մեր հայրենակիցներին: Այս տարվա հյուրերը Ջավախքից էին, որոնցից շատերն առաջին անգամ էին լինում հայրենիքում: Մխչյանի հյուրընկալ օջախները իրենց դռները բացեցին մեր հայրենակիցների առաջ, և հյուրերը մեծ տպավորություններով վերադարձան իրենց տները:

Բարեկարգվում և խճապատվում են Մխչյան համայնքի Գրիբոյեդով փողոցի ՙՙաբարա՚՚ կոչվող հատվածը, որը տասնամյակներ շարունակ չի բարեկարգվել, երբեմն դառնալով նույնիսկ անանցանելի, Պ. Սևակ փողոցը և ՌՄԶ կոչվող հատվածը: